khandesh-news book

धुळे, दि. 16 (प्रतिनिधी) – धुळे जिल्हा पोलीस दलाने अंमली पदार्थांविरोधात मोठी आणि ठोस कारवाई करत विविध गुन्ह्यांमधील जप्त अंमली पदार्थांचा कायदेशीर प्रक्रियेनुसार नाश केला. NDPS कायद्यांतर्गत जिल्ह्यातील विविध पोलीस ठाण्यांमध्ये दाखल असलेल्या एकूण 25 गुन्ह्यांमधील 3624.600 किलो वजनाचा व सुमारे 7 कोटी 47 लाख 16 हजार 100 रुपयांचा मुद्देमाल नष्ट करण्यात आला. या कारवाईत सुका गांजा (2109.710 किलो), गांजाची झाडे (1344.930 किलो) व अफूची बाँडे (119.960 किलो) यांचा समावेश होता. सर्वोच्च न्यायालय, केंद्र शासन व राज्य पोलीस महासंचालक कार्यालयाच्या मार्गदर्शक सूचनांनुसार ही प्रक्रिया पार पाडण्यात आली.सदर कारवाई शिरपूर तालुका पोलीस ठाण्याच्या मागील मोकळ्या जागेत करण्यात आली. यासाठी मोठा खड्डा करून त्यामध्ये जप्त अंमली पदार्थ टाकण्यात आले. त्यावर शेणखत, चुरी, सिंगल सुपर फॉस्फेट व ट्रायकोडर्मा यांचे मिश्रण टाकून कम्पोस्ट पद्धतीने नाश करण्यात आला. या वेळी जिल्हास्तरीय अंमली पदार्थ नाश समितीचे अध्यक्ष तथा पोलीस अधीक्षक श्रीकांत धिवरे यांच्या अध्यक्षतेखाली कारवाई पार पडली. समितीचे सदस्य म्हणून राज्य उत्...

नंदुरबार जि प्रतिनिधी: राम सोनवणे  जिल्हा परिषद नंदुरबार व ओपन लिंक्स फाउंडेशन यांच्या संयुक्त विद्यमाने राबविण्यात येत असलेल्या ‘विनोबा’ ॲप उपक्रमांतर्गत उत्कृष्ट शैक्षणिक पोस्ट व नाविन्यपूर्ण उपक्रम सादर करणाऱ्या शिक्षकांचा जिल्हास्तरीय गौरव समारंभ आयोजित करण्यात आला. या कार्यक्रमात ‘पोस्ट ऑफ द मंथ’ (POM) व ‘मॉर्निंग असेंब्ली’ (Morning Assembly) या उपक्रमांमध्ये जिल्हास्तरीय तसेच तालुकास्तरीय उत्कृष्ट कामगिरी करणाऱ्या शिक्षकांचा सन्मान करण्यात आला. या प्रसंगी जिल्हा परिषद नंदुरबारचे मुख्य कार्यकारी अधिकारी मा. नमन गोयल (भा. प्र. से.) यांच्या हस्ते विजेत्या शिक्षकांना प्रमाणपत्र व भेटवस्तू देऊन गौरविण्यात आले. कार्यक्रमास जिल्हा परिषद नंदुरबार उप मुख्य कार्यकारी अधिकारी  श्री. गणेश मोरे, शिक्षणाधिकारी (प्राथमिक) मा. भानुदास रोकडे तसेच उपशिक्षणाधिकारी मा. डॉ. युनुस पठाण यांची प्रमुख उपस्थिती होती. ‘पोस्ट ऑफ द मंथ’ जिल्हास्तरीय विजेते म्हणून सपना हिरे (जि.प. शाळा अंबापूर), शितल शिंदे (जि.प. शाळा बुधावल) आणि महेंद्र इशी (जि.प. शाळा विखरण) यांना जानेवारी व फेब्रुवारी महिन्यात विन...

धुळे जि. प्रतिनिधी : राज सोनवणे माध्यमिक विद्यालय, वेल्हाणे ता. जि. धुळे येथे सन 2009 मध्ये दहावी उत्तीर्ण झालेल्या विद्यार्थ्यांचा माजी विद्यार्थ्यांचा सस्नेह मेळावा मोठ्या उत्साहात आणि आनंदी वातावरणात पार पडला. अनेक वर्षांनंतर एकमेकांना भेटण्याची संधी मिळाल्याने माजी विद्यार्थ्यांमध्ये विशेष आनंदाचे वातावरण पाहायला मिळाले. या मेळाव्यास तत्कालीन मुख्याध्यापक श्री. व्ही. एस. सोनवणे तसेच शिक्षकवृंद श्री. आर. एस. सोनवणे, श्रीमती पी. एन. पाटील, श्री. ए. एस. पाटील, श्री. एल. डी. पाटील, श्री. एम. डी. अहिरे आणि श्री. निवृत्ती मराठे यांची प्रमुख उपस्थिती लाभली. उपस्थित शिक्षकांचा माजी विद्यार्थ्यांच्या वतीने सन्मान करण्यात आला. कार्यक्रमादरम्यान माजी विद्यार्थ्यांनी आपल्या शालेय जीवनातील अनेक आठवणींना उजाळा दिला. बालपणातील शिक्षण, वर्गातील खोड्या, मित्रांमधील भांडणं, मस्करी, खेळ आणि त्या काळातील अविस्मरणीय क्षण यांची मनमोकळेपणाने आठवण काढण्यात आली. अनेक वर्षांनंतर पुन्हा एकत्र आल्याने जुन्या मैत्रीचे बंध अधिक दृढ झाल्याचे भावनिक चित्र या मेळाव्यात पाहायला मिळाले. यावेळी शिक्षकांनीही विद्यार्थ...

धुळे जि.प्रतिनिधी : राज सोनवणे  दि. 29 सप्टेंबर 2025 रोजी सायंकाळी 4 ते रात्री 8.30 वाजेदरम्यान फिर्यादी ओमप्रकाश पंडीत सोनवणे (रा. राऊळ नगर, संतोषी माता मंदिराजवळ, दोंडाईचा) यांच्या राहत्या घरातून अज्ञात चोरट्याने सुमारे 47 हजार रुपयांचे सोने-चांदीचे दागिने व रोख रक्कम चोरी केली होती. याप्रकरणी दोंडाईचा पोलीस ठाण्यात गुन्हा क्रमांक 93/2026 नुसार भारतीय न्याय संहिता (BNS) कलम 305 (अ), 331 (3), 331 (4) अंतर्गत घरफोडीचा गुन्हा दाखल करण्यात आला होता. या गुन्ह्याचा समांतर तपास स्थानिक गुन्हे शाखा, धुळे करीत असताना दि. 13 मार्च 2026 रोजी पोलीस निरीक्षक श्रीराम पवार यांना गोपनीय माहिती मिळाली की, या गुन्ह्यातील आरोपी राजगुरु मोहन पाटील (वय 20, रा. महादेवपुरा, दोंडाईचा ता. शिंदखेडा जि. धुळे) हा चोरीचा मुद्देमाल विक्रीसाठी दोंडाईचा येथील नंदुरबार चौफुली परिसरात थांबलेला आहे. माहितीच्या आधारे पथकाने सापळा रचून आरोपीला ताब्यात घेतले. सखोल चौकशीत त्याने घरफोडी केल्याची कबुली दिली. त्याच्याकडून सुमारे 18 हजार रुपये किमतीचे दागिने जप्त करण्यात आले. यामध्ये 2.510 ग्रॅम वजनाचे मंगळसूत्र, नथ, 3.60...

नंदुरबार जि. प्रतिनिधी :  नंदुरबार जिल्ह्यातील चिंचपाडा वनपरिक्षेत्रात वनविभागाने नाईट गस्तीदरम्यान कारवाई करत तीन संशयित इसमांकडून गावठी कट्टे, दारुगोळा व इतर साहित्य जप्त केले आहे. मिळालेल्या माहितीनुसार, दिनांक ९ मार्च २०२६ (सोमवार) रोजी चिंचपाडा येथील वनक्षेत्रपाल श्रीमती प्राशा पगार या आपल्या पथकासह नियतक्षेत्र चिंचपाडा कक्ष क्रमांक ८४ परिसरात रात्री गस्त घालत असताना तीन संशयित इसम आढळून आले.  त्यांची चौकशी व तपासणी केली असता त्यांच्या ताब्यातून दोन गावठी कट्टे (बंदुका), बंदुकीत वापरण्यात येणारा दारुगोळा, ससे तसेच एक मोटारसायकल जप्त करण्यात आली. यानंतर १० मार्च २०२६ रोजी संबंधित संशयितांविरुद्ध आवश्यक कागदपत्रे तयार करून त्यांना प्रथम वर्ग न्यायालय, नवापूर येथे हजर करण्यात आले. न्यायालयाने त्यांना १३ मार्च २०२६ पर्यंत चार दिवसांची वनकोठडी सुनावली आहे. या प्रकरणी चिंचपाडा येथील वनरक्षकांनी गुन्हा नोंदवला असून वनपाल कामोद पुढील तपास करत आहेत. सदर कारवाई वनसंरक्षक निनू सोमराज (धुळे), उपवनसंरक्षक संतोष सस्ते (नंदुरबार), विभागीय वनाधिकारी दक्षता विभाग धुळे राजेंद्र सदगीर तसेच ...

नंदुरबार ता प्रतिनिधी :  नंदुरबार जिल्ह्याच्या जिल्हाधिकारी डॉक्टर मिताली शेट्टी यांना लोकमत  तर्फे देण्यात येणाऱ्या Lokmat Maharashtra of the Year Awards २०२६ मध्ये ‘आयएएस प्रॉमिसिंग’ या पुरस्काराने सन्मानित करण्यात आले आहे. हा सन्मान एकनाथ शिंदे, उपमुख्यमंत्री यांच्या हस्ते प्रदान करण्यात आला. अत्यंत दुर्गम व आदिवासीबहुल असलेल्या नंदुरबार जिल्ह्यात काम करताना त्यांनी प्रशासनाच्या कामाचा ठसा उमटवला आहे. विशेषतः ४० हजार आदिवासी बोलीभाषेतील वाक्यांचे संकलन करून त्यांना जागतिक स्तरावर पोहोचवण्याचा उपक्रम, तसेच अंगणवाडी आणि आरोग्य क्षेत्रात केलेले उत्कृष्ट कार्य यामुळे त्यांचे काम विशेष ठरले आहे. या उल्लेखनीय कामगिरीबद्दल डॉक्टर मिताली शेट्टी यांचे सर्वत्र अभिनंदन होत असून त्यांना पुढील वाटचालीसाठी हार्दिक शुभेच्छा दिल्या जात आहेत. 

शिंदखेडा ता प्रतिनिधी :  शिंदखेडा तालुक्यातील लोहगाव येथे काही दिवसांपासून आजारी अवस्थेत गावात फिरत असलेल्या एका वानराचे ८ मार्च २०२६ रोजी निधन झाले. या घटनेमुळे गावात हळहळ व्यक्त करण्यात आली.यानंतर ९ मार्च २०२६ रोजी लोहगाव येथील ग्रामस्थांनी त्या वानराची अंत्ययात्रा काढून त्याला भावपूर्ण श्रद्धांजली अर्पण केली. पारंपरिक रितीरिवाजाप्रमाणे बँडच्या साथीने गावातून मिरवणूक काढण्यात आली. या मिरवणुकीत लोहगाव व परिसरातील ग्रामस्थ, युवक तसेच महिला भगिनी मोठ्या संख्येने सहभागी झाल्या. अंत्ययात्रेनंतर मिरवणूक काढत तापी नदीकिनारी त्या वानराचे अंत्यसंस्कार करण्यात आले. या संपूर्ण कार्यक्रमासाठी लोहगाव येथील युवक व ग्रामस्थांचे मोलाचे सहकार्य लाभले. तसेच त्या वानराच्या स्मरणार्थ १८ मार्च २०२६ रोजी दशक्रिया विधी आयोजित करण्यात येणार असल्याची माहिती ग्रामस्थांनी दिली. या उपक्रमातून लोहगाव ग्रामस्थांनी प्राणिमात्रांप्रती असलेली संवेदना व जिव्हाळा पुन्हा एकदा अधोरेखित केला आहे.