विनोबा’ ॲप अंतर्गत जिल्हास्तरीय व तालुकास्तरीय विजेत्या शिक्षकांचा सन्मान

-
नंदुरबार जि प्रतिनिधी: राम सोनवणे 
जिल्हा परिषद नंदुरबार व ओपन लिंक्स फाउंडेशन यांच्या संयुक्त विद्यमाने राबविण्यात येत असलेल्या ‘विनोबा’ ॲप उपक्रमांतर्गत उत्कृष्ट शैक्षणिक पोस्ट व नाविन्यपूर्ण उपक्रम सादर करणाऱ्या शिक्षकांचा जिल्हास्तरीय गौरव समारंभ आयोजित करण्यात आला. या कार्यक्रमात ‘पोस्ट ऑफ द मंथ’ (POM) व ‘मॉर्निंग असेंब्ली’ (Morning Assembly) या उपक्रमांमध्ये जिल्हास्तरीय तसेच तालुकास्तरीय उत्कृष्ट कामगिरी करणाऱ्या शिक्षकांचा सन्मान करण्यात आला.


या प्रसंगी जिल्हा परिषद नंदुरबारचे मुख्य कार्यकारी अधिकारी मा. नमन गोयल (भा. प्र. से.) यांच्या हस्ते विजेत्या शिक्षकांना प्रमाणपत्र व भेटवस्तू देऊन गौरविण्यात आले. कार्यक्रमास जिल्हा परिषद नंदुरबार उप मुख्य कार्यकारी अधिकारी  श्री. गणेश मोरे, शिक्षणाधिकारी (प्राथमिक) मा. भानुदास रोकडे तसेच उपशिक्षणाधिकारी मा. डॉ. युनुस पठाण यांची प्रमुख उपस्थिती होती.

‘पोस्ट ऑफ द मंथ’ जिल्हास्तरीय विजेते म्हणून सपना हिरे (जि.प. शाळा अंबापूर), शितल शिंदे (जि.प. शाळा बुधावल) आणि महेंद्र इशी (जि.प. शाळा विखरण) यांना जानेवारी व फेब्रुवारी महिन्यात विनोबा ॲपवर उत्कृष्ट शैक्षणिक पोस्ट सादर केल्याबद्दल गौरविण्यात आले.


तसेच ‘मॉर्निंग असेंब्ली’ जिल्हास्तरीय विजेते म्हणून रंजना साबळे (जि.प. शाळा नांदरखे), मंदाकिनी वळवी (जि.प. शाळा टोकरतलाव) आणि अनुपमा वळवी (जि.प. शाळा टोकरतलाव) यांचा विशेष सन्मान करण्यात आला.
याशिवाय तालुकास्तरीय ‘पोस्ट ऑफ द मंथ’ विजेते म्हणून गोविंद सूर्यवंशी (जि.प. शाळा खुशगव्हाण), जया नेरे (जि.प. शाळा लक्कडकोट), रणधीर भामरे (जि.प. शाळा दलेलपूर), सोनाली जिरे (जि.प. शाळा धिरजगाव), सीमा पाटील (जि.प. शाळा इंद्रहट्टी) आणि रागिनी वाडेकर (जि.प. शाळा देवसापाडा वरखेडी) यांचा प्रमाणपत्र व भेटवस्तू देऊन गौरव करण्यात आला.


विनोबा ॲपच्या माध्यमातून शिक्षकांनी केलेल्या नाविन्यपूर्ण शैक्षणिक उपक्रमांचे व विद्यार्थ्यांच्या सर्वांगीण विकासासाठी घेतलेल्या पुढाकाराचे यावेळी कौतुक करण्यात आले. जिल्हा परिषद शाळांमधील शैक्षणिक गुणवत्ता अधिक उंचावण्यासाठी शिक्षकांनी अशाच प्रकारे नवकल्पनांना चालना देत शैक्षणिक कार्य अधिक प्रभावीपणे राबवावे, असे आवाहन मान्यवरांनी केले.

या कार्यक्रमास ओपन लिंक्स फाउंडेशनचे प्रकल्प ऑफिसर विकास मोरे व आशिष गहाने यांचीही उपस्थिती होती.

टिप्पण्या

टिप्पणी पोस्ट करा

या ब्लॉगवरील लोकप्रिय पोस्ट

टोकरतलाव ता.जि.नंदुरबार येथे महात्मा फुले यांच्या पुण्यतिथी निमित्त अभिवादन

-
इमेज
नंदुरबार ता. विशेष प्रतिनिधी इकोनेट ही संस्था नंदुरबार जिल्ह्यात संविधान जाणीव जागृतीचे काम करते. समाजामध्ये संविधान साक्षरता निर्माण करण्यासाठी इकोनेट संस्थेमार्फत काही फेलो ची नियुक्ती करण्यात आली आहे. नंदुरबार तालुक्यात अर्चना गावित आणि प्रतीक्षा वाघ हे समाजातील विविध गटांसोबत संविधान जाणीव जागृती चे कार्यक्रम करत असतात.  आज 28 नोव्हेंबर म्हणजे बहुजनांचा खरा शिक्षक दिन, अर्थात महात्मा ज्योतिबा फुले यांचा स्मृतिदिन इकोनेट फेलो अर्चना गावित यांनी कार्यक्षेत्रातील महिलांसह महात्मा फुले यांच्या स्मृतीस विनम्र अभिवादन केले. आज संविधान दिनानिमित्त कार्यक्षेत्र टोकरतलाव या गावामध्ये गटातील महिलांसोबत संविधान दिनानिमित्त कार्यक्रम घेण्यात आला, सर्वप्रथम सर्व महिलांचे कार्यक्रमासाठी स्वागत करण्यात आले, त्यानंतर महिलांनी  महामानव डॉ. बाबासाहेब आंबेडकर  थोर महात्मा ज्योतिबा फुले यांच्या  प्रतिमेला पुष्प अर्पण करून प्रतिमा पूजन करण्यात आले,  महिलांना संविधान निर्मिती प्रक्रियेबद्दल माहिती देण्यात आली,  संविधान निर्मितीसाठी विविध समित्यांची आणि त्यानंतर मसुदा समितीची...
अधिक वाचा

शिरपूर येथे राष्ट्रवादी काँग्रेस पार्टी (शरदचंद्र पवार) पक्षाची महत्त्वपूर्ण बैठक संपन्न

-
इमेज
प्रतिनिधी - राज सोनवणे , शिरपूर ता.  शिरपूर, 24 नोव्हेंबर 2025 — राष्ट्रवादी काँग्रेस पार्टी शरदचंद्र पवार पक्षाची आज शिरपूर येथे  पक्ष कार्यालयात महत्त्वपूर्ण बैठक पार पडली. तालुक्यातील प्रमुख  पदाधिकारी कार्यकर्ते आणि इच्छुक उमेदवार मोठ्या संख्येने या बैठकीत उपस्थित होते. बैठकीत स्थानिक स्वराज्य संस्थांच्या निवडणुकांसंदर्भात विस्तृत चर्चा करण्यात आली. इच्छुक उमेदवारांच्या मुलाखती घेऊन त्यांच्याशी चर्चा करण्यात आली.आगामी निवडणुकांमध्ये राष्ट्रवादी काँग्रेस पार्टी (शरदचंद्र पवार गट) जोरदार तयारीने उतरून प्रत्येक गण व गटावर उमेदवार उभे करणार असल्याचा ठाम नारा बैठकीत देण्यात आला. पक्षाकडून शेतकरी, शेतमजूर, आदिवासी, मागासवर्गीय  व वंचित घटकांच्या सर्वांंगीण विकासाची जबाबदारी घेत असल्याचे स्पष्ट करण्यात आले. तालुक्याचा एकूण विकास आणि संघटन बळकटीसाठी विविध दिशानिर्देशही देण्यात आले. पुढील 8 ते 10 दिवसांत अंतिम बैठक घेऊन सर्व गण व गटातील उमेदवार निश्चित केले जाणार असल्याचे सांगण्यात आले. बैठकीत अ‍ॅड. रोहित पाटोळे आणि दिलीप भाईदास पाटील (विधानसभा क्षेत्राध्यक्ष ) ...
अधिक वाचा

अक्राणी तालुक्यात भ्रष्टाचाराच्या आरोपावरून ग्रामपंचायती विरोधात आमरण उपोषण

-
इमेज
अक्राणी तालुका प्रतिनिधी :   अक्राणी :- अक्राणी तालुक्यातील मोडलगाव ग्रामपंचायत तसेच इतर काही ग्रामपंचायतींमध्ये झालेल्या कथित भ्रष्टाचाराच्या निषेधार्थ दिनांक 19 जानेवारी 2026 रोजी मोडलगाव ग्रामपंचायत कार्यालयासमोर आमरण उपोषण करण्यात येणार आहे. या संदर्भात संबंधित उपोषणकर्त्यांनी जिल्हा परिषद नंदुरबार, जिल्हाधिकारी नंदुरबार, जिल्हा पोलीस अधीक्षक नंदुरबार, गटविकास अधिकारी अक्राणी तसेच म्हसावद पोलीस ठाणे यांना निवेदन सादर केले आहे. निवेदनात नमूद करण्यात आले आहे की, सदर ग्रामपंचायतींमध्ये झालेल्या भ्रष्टाचाराबाबत वेळोवेळी लेखी तक्रारी व पत्रव्यवहार करूनही आजपर्यंत कोणतीही ठोस चौकशी करण्यात आलेली नाही. त्यामुळे नाईलाजाने आमरण उपोषणाचा मार्ग स्वीकारावा लागत असल्याचे उपोषणकर्त्यांनी स्पष्ट केले आहे. उपोषणकर्ते दिलवर पाडवी यांनी सांगितले की, संबंधित प्रकरणाची सखोल चौकशी होईपर्यंत आणि दोषींवर कारवाई केली जात नाही, तोपर्यंत हे आमरण उपोषण मागे घेतले जाणार नाही, असा ठाम इशारा त्यांनी प्रशासनाला दिला आहे.
अधिक वाचा