khandesh-news book

  शिरपूर | प्रतिनिधी : शिरपूर शहरातील सराफा दुकानातून लाखो रुपयांचे सोन्याचे दागिने चोरी करणाऱ्या बुरखाधारी महिलांच्या टोळीचा शिरपूर शहर पोलिसांनी पर्दाफाश केला आहे. पोलिसांनी तीन महिला आणि एका पुरुषाला अटक करून त्यांच्या ताब्यातून एकूण 9 लाख 10 हजार रुपये किमतीचा मुद्देमाल हस्तगत केला आहे. सराफा दुकानातून 6 लाखांचे सोन्याचे दागिने चोरी दिनांक 5 ऑगस्ट 2026 रोजी दुपारी 2 ते रात्री 8 वाजेच्या दरम्यान महात्मा गांधी कॉम्प्लेक्स, शिरपूर येथील नंदूरबारकर सराफ दुकानातून तीन अनोळखी बुरखाधारी महिलांनी 40 ग्रॅम वजनाचे सोन्याचे कानातील 8 जोड दागिने, अंदाजे 6 लाख रुपये किमतीचे, चोरी करून नेले होते. याप्रकरणी शिरपूर शहर पोलीस ठाण्यात गु.र.नं. 339/2026, BNS कलम 305 अन्वये गुन्हा दाखल करण्यात आला होता. CCTV आणि FASTagमुळे तपासाला मिळाली दिशा गुन्ह्याचा तपास करताना पोलिसांनी घटनास्थळ परिसरातील CCTV फुटेज बारकाईने तपासले. त्यामध्ये आरोपी महिला एका स्विफ्ट डिझायर कारमधून जात असल्याचे निदर्शनास आले. पोलिसांनी वाहनाचा क्रमांक मिळवून FASTagच्या माध्यमातून वाहनाच्या हालचालींची माहिती मिळवली. आरोपी मालेग...

धुळे | 14 ऑगस्ट 2026 : महिलांवरील अत्याचार, छेडछाड तसेच कौटुंबिक आणि सार्वजनिक ठिकाणी होणाऱ्या हिंसाचाराला आळा घालण्यासाठी धुळे जिल्हा पोलीस दलाने महत्त्वपूर्ण पाऊल उचलले आहे. 15 ऑगस्ट 2026 पासून धुळे शहर, शिरपूर शहर आणि साक्री पोलीस ठाणे येथे ‘दामिनी पथकां’ची स्थापना करण्यात येणार आहे. पोलीस अधीक्षक विशाल आनंद यांच्या संकल्पनेतून ही विशेष पथके कार्यान्वित करण्यात येत असून, महिला व बालकांच्या सुरक्षेला प्राधान्य देण्यात येणार आहे. या पथकांमध्ये महिला पोलीस अधिकारी व अंमलदारांचा समावेश राहणार असल्याने पीडित महिला आणि मुलींना आपल्या तक्रारी व अडचणी अधिक सहजपणे मांडता येणार आहेत. संवेदनशील ठिकाणी नियमित गस्त दामिनी पथकांकडून शाळा, महाविद्यालये, बसस्थानक, रेल्वे स्टेशन, बाजारपेठा, उद्याने तसेच निर्जन रस्त्यांवर नियमित गस्त घालण्यात येणार आहे. छेडछाड करणारे, टवाळखोर आणि असामाजिक घटकांवर पोलिसांचा धाक निर्माण करण्यासोबतच अनुचित घटना घडल्यास तातडीने मदत उपलब्ध करून देण्याचा उद्देश आहे. जनजागृती आणि समुपदेशनावरही भर दामिनी पथकांकडून विद्यार्थिनी व महिलांना सुरक्षिततेबाबत मार्गदर्शन केले जाणार ...

रंजाणे ता. शिंदखेडा, जि. धुळे | ८ ऑगस्ट २०२६ : रंजाणे गावातील दलित वस्ती म्हणून ओळखल्या जाणाऱ्या परिसराचे ‘पंचशीलनगर’ असे नामकरण करण्यात आले. यानिमित्ताने पंचशीलनगर नामफलकाचे उद्घाटन नगरसेवक तथा वंचित बहुजन आघाडीचे जिल्हा उपाध्यक्ष राहुल पाटोळे यांच्या हस्ते करण्यात आले. या कार्यक्रमास महेंद्र भाऊसाहेब, जितेंद्बार ईशी बापू ठाकरे, आबा ईशी यांच्यासह गावातील सर्व ग्रामस्थ उपस्थित होते. नामकरण सोहळ्यामुळे परिसरात उत्साहाचे वातावरण निर्माण झाले. कार्यक्रमाच्या यशस्वी आयोजनासाठी सागर बेसाणे (अध्यक्ष), प्रणय वैसाणे (उपाध्यक्ष), सुनील बैसाणे (खजिनदार) आणि आधार शिरसाठ (सदस्य) यांनी विशेष परिश्रम घेत कार्यक्रमाची संपूर्ण व्यवस्था केली. क्रांती दिन व जागतिक आदिवासी दिनाच्या पार्श्वभूमीवर झालेल्या या कार्यक्रमातून सामाजिक एकतेचा आणि समतेचा संदेश देण्यात आला. या ऐतिहासिक नामकरणामुळे रंजाणे गावातील या परिसराला आता ‘पंचशीलनगर’ अशी नवी ओळख मिळाली आहे.

एरंडोल : रा. ति. काबरे विद्यालय व कनिष्ठ महाविद्यालय, एरंडोल येथे विद्यार्थ्यांना सायबर क्राईम तसेच सायबर सुरक्षेविषयी मार्गदर्शन करण्यात आले. या उपक्रमाचा उद्देश विद्यार्थ्यांमध्ये सायबर गुन्ह्यांविषयी जागरूकता निर्माण करणे आणि डिजिटल माध्यमांचा सुरक्षितपणे वापर करण्याबाबत माहिती देणे हा होता. या मार्गदर्शन कार्यक्रमात बहिणाबाई चौधरी उत्तर महाराष्ट्र विद्यापीठातील विद्यार्थिनी कुमारी स्नेहल पाटील व कुमारी वैष्णवी पाटील यांनी विद्यार्थ्यांना मार्गदर्शन केले. त्यांनी सोशल मीडिया वापरताना घ्यावयाची काळजी, अनोळखी लिंकवर क्लिक न करणे, वैयक्तिक माहिती व पासवर्ड सुरक्षित ठेवणे, ऑनलाइन फसवणूक टाळणे तसेच सायबर गुन्हा घडल्यास योग्य ती खबरदारी घेण्याबाबत विद्यार्थ्यांना माहिती दिली. विद्यार्थ्यांनीही या मार्गदर्शनाला उत्स्फूर्त प्रतिसाद देत विविध प्रश्न विचारून सायबर सुरक्षेविषयी माहिती जाणून घेतली.विद्यार्थ्यांच्या सुरक्षिततेच्या दृष्टीने आयोजित करण्यात आलेल्या या उपक्रमामुळे विद्यार्थ्यांमध्ये सायबर गुन्ह्यांविषयी जागरूकता निर्माण होण्यास मोठी मदत झाली.   कार्यक्रम प्रसंगी शाळेचे मुख्...

शहादा, जि. नंदुरबार | १४ ऑगस्ट २०२६ : जागतिक आदिवासी दिनानिमित्त आदिवासी युवा सेना महाराष्ट्रच्या वतीने फत्तेपूर, आमोदा व शिरूड येथील जिल्हा परिषद मराठी शाळांमध्ये शैक्षणिक साहित्य वाटप व जनजागृती उपक्रम राबविण्यात आला. या उपक्रमांतर्गत फत्तेपूर येथील १८१, आमोदा येथील १३६ आणि शिरूड येथील २० अशा एकूण ३३७ विद्यार्थ्यांना वही, पेन व चॉकलेटचे वाटप करण्यात आले. यावेळी विद्यार्थ्यांना शिक्षणाचे महत्त्व, नियमित शाळेत उपस्थिती, पर्यावरण संरक्षण, व्यसनमुक्ती तसेच आदिवासी क्रांतिकारकांच्या गौरवशाली इतिहासाबाबत मार्गदर्शन करण्यात आले. विद्यार्थ्यांमध्ये शिक्षणाची आवड निर्माण करणे, सामाजिक व पर्यावरणीय मूल्यांबाबत जागरूकता वाढविणे आणि आदिवासी समाजातील विद्यार्थ्यांना उज्ज्वल भविष्यासाठी प्रेरणा देणे हा या उपक्रमाचा मुख्य उद्देश होता. यावेळी आदिवासी युवा सेनेचे सोशल मीडिया प्रमुख सुनिल पवार, वरिष्ठ सल्लागार सतिलाल दादा शेमळे, दिलीप दादा महिरे, दगडू निकुंभ, मुकेश पवार, भगीरथ ठाकरे, अनमोल पाडवी, राहुल मालचे, विठ्ठल मोरे यांच्यासह पदाधिकारी व कार्यकर्ते उपस्थित होते. तसेच मुख्याध्यापक, शिक्षक, ग्रामप...

सोनवद : डिजिटल युगात वाढत्या सायबर गुन्ह्यांच्या पार्श्वभूमीवर विद्यार्थ्यांमध्ये सायबर सुरक्षिततेबाबत जनजागृती निर्माण करण्याच्या उद्देशाने कवयित्री बहिणाबाई चौधरी उत्तर महाराष्ट्र विद्यापीठ, जळगाव आणि क्विक हील फाउंडेशन यांच्या संयुक्त विद्यमाने ६ ऑगस्ट २०२६ रोजी सोनवद येथील माणिकचंद नारायण काबरे विद्यालयात सायबर जनजागृती कार्यक्रमाचे आयोजन करण्यात आले. या कार्यक्रमात विद्यार्थ्यांना इंटरनेटचा सुरक्षित वापर, ऑनलाइन फसवणुकीपासून बचाव तसेच डिजिटल माध्यमांचा जबाबदारीने वापर करण्याबाबत मार्गदर्शन करण्यात आले. स्नेहल पाटील व वैष्णवी पाटील यांनी विद्यार्थ्यांशी संवाद साधत सायबर गुन्ह्यांचे प्रकार आणि त्यापासून बचाव करण्यासाठी आवश्यक खबरदारी याबाबत सविस्तर माहिती दिली. यावेळी ओटीपी फ्रॉड, क्यूआर कोड फसवणूक, ऑनलाइन बँकिंग फ्रॉड, एआय व्हॉइस कॉल फ्रॉड, सोशल मीडिया फसवणूक, बनावट लिंक, फिशिंग, मजबूत पासवर्ड आणि टू-फॅक्टर ऑथेंटिकेशन (2FA) याबाबत विद्यार्थ्यांना सोप्या उदाहरणांसह माहिती देण्यात आली. अनोळखी व्यक्तींना ओटीपी, बँक खात्याची माहिती किंवा वैयक्तिक माहिती देऊ नये, संशयास्पद लिंकवर क्ल...